ပြည်သူလူထုကို နှိပ်စက်မည့် နိုင်ငံရေးစနစ် ပြန်လည် ထွန်းကားမလာရေး ကြိုးပမ်းသွားမည်ဟု သမ္မတပြောကြား

ယမန်နေ့က နေပြည်တော်၌ ပြုလုပ်သော ဗိုလ်ချုပ်အောင်ဆန်းမြင်းစီးကြေးရုပ်တုဖွင့်ပွဲအခမ်းအနားတွင် နိုင်ငံတော်သမ္မတဦးဝင်းမြင့် မိန့်ခွန်းပြောကြားနေစဉ် (ဓာတ်ပုံ−အေပီ)

- ဗိုလ်ချုပ်ရုပ်တု စိုက်ထူခြင်း သာမန်ကာလျှံကာ ဆောင်ရွက်ခြင်းမဟုတ်

- တပ်မတော်သားများ ပါတီနိုင်ငံရေးနှင့် အုပ်ချုပ်ရေးကိစ္စရပ်များတွင် ပါဝင်စွက်ဖက်ခြင်းမရှိစေရေးဗိုလ်ချုပ်အောင်ဆန်းမိန့်ခွန်းကို ဥပမာပေးပြောကြား

 ပြည်သူလူထုကို နှိပ်စက်မည့် အာဏာရှင်ဆန်သောနိုင်ငံရေးစနစ်မျိုး ပြန်လည်ထွန်းကားခြင်းမရှိစေရန် ကြိုးပမ်းဆောင်ရွက်မည် ဟု နိုင်ငံတော် သမ္မတ ဦးဝင်းမြင့်ကပြောကြားသည်။ ဖေဖော်ဝါရီ ၁၃ရက်က နေပြည်တော် သပြေကုန်းအ၀ိုင်း ၌ ပြုလုပ်သော ဗိုလ်ချုပ်အောင်ဆန်း မြင်းစီးကြေးရုပ်တုဖွင့်ပွဲအခမ်းအနား အဖွင့်မိန့်ခွန်းတွင် နိုင်ငံတော်သမ္မတက ထည့်သွင်းပြောကြားခြင်းဖြစ်သည်။

‘‘ဒီမိုကရေစီ ဖက်ဒရယ်ပြည် ထောင်စု နိုင်ငံတော်တည် ဆောက်ရန် သန္နိဋ္ဌာန်ချပြီးဖြစ်ပါ တယ်။  ဒီမိုကရေစီထွန်းကား၍ တည်တံ့ခိုင်မြဲသော ပြည်ထောင် စုကြီးအဖြစ် တည်ထွန်းစေရန် ရည်သန်ပြီးဖြစ်ပါတယ်။ အခြေခံ လူ့အခွင့်အရေးများကို အာမခံ မယ့်စစ်မှန်တဲ့ ဒီမိုကရေစီနိုင်ငံ တော်ဖြစ်လာစေရန် ရည်ရွယ် ချက်ထား ရှိပြီးလည်းဖြစ်ပါတယ်’’ ဟု သမ္မတကဆိုသည်။

ယင်းသို့ မွန်မြတ်သည့်အိပ် မက်များကို အကောင်အထည် ဖော်နိုင်ရန် အစိုးရက ကြိုးစား ဆောင်ရွက်နေကြောင်း၊ ရဟန်း ရှင်လူ၊ ပြည်သူ၊ ကျောင်းသား ကျောင်းသူ၊ တိုင်းရင်းသားများ အားလုံးကလည်း အမျိုးသားအာ  ဇာနည်ခေါင်းဆောင်ကြီး၊ လွတ် လပ်ရေးဗိသုကာကြီး၊ တပ်မ တော်၏ ဖခင်ကြီး၊ ဗိုလ်ချုပ် အောင်ဆန်းအား ကျေးဇူးဆပ် သောအားဖြင့် ၀ိုင်းဝန်းအားပေး ကူညီကြရန် ပန်ကြားလိုကြောင်း   သမ္မတက ဖြည့်စွက်ပြောကြား သည်။

ဗိုလ်ချုပ်ကျင့်သုံးခဲ့သော မူ ၀ါဒလမ်းစဉ်များနှင့် ရည်မှန်း ချက်ပန်းတိုင်များကို ပြည်သူလူ ထုက လိုက်နာအကောင်အထည် ဖော်ကာ မမေ့သေးကြောင်းပြသ  ရန်လည်း နိုင်ငံတော်သမ္မတ တိုက်တွန်းသည်။

‘‘ဗိုလ်ချုပ်ရည်ရွယ်မျှော်မှန်း ခဲ့တဲ့ ဒီမိုကရေစီဖက်ဒရယ်ပြည် ထောင်စုနိုင်ငံတော်ပန်းတိုင်သို့အ ရောက်စည်းလုံးညီညွတ်စွာချီ တက်ကြပါစို့လို့ အလေးအနက်  သန္နိဋ္ဌာန်ပြုကြရန် တိုက်တွန်းနှိုး ဆော်အပ်ပါတယ်’’ ဟု သမ္မတက   ဆိုသည်။

ဗိုလ်ချုပ်အောင်ဆန်းသည် တိုင်းပြည်နှင့် ပြည်သူလူထုအ တွက် နိုင်ငံရေး၊ စီးပွားရေး၊ လူမှု ရေး၊ ညီညွတ်ရေးစသည့် နယ် ပယ်ကဏ္ဍစုံအတွက် မူဝါဒလမ်း  စဉ်များ၊ လုပ်ငန်းလမ်းညွှန်များ ချမှတ် ပြောကြားခဲ့သော်လည်း  ယခုအထိအကောင်အထည်ဖော် နိုင်ခြင်းမရှိသေးသည်ကို ၀မ်း နည်းဖွယ်ရာတွေ့မြင်နေရသည် ဟု သမ္မတက ဆက်လက်ပြော ကြားသည်။

‘‘ဒါကြောင့် ကျွန်တော်တို့ အစိုးရအနေနဲ့ အမျိုးသားအာဇာ နည်ခေါင်းဆောင်ကြီး ဗိုလ်ချုပ် အောင်ဆန်းနဲ့တကွ တိုင်းရင်း  သားခေါင်ဆောင်ကြီးများမျှော် မှန်းခဲ့တဲ့ အိပ်မက်ကို အကောင်  အထည်ဖော်နိုင်ရန်ကိုယ်စွမ်း ဉာဏ်စွမ်းရှိသမျှ ကြိုးပမ်းလျက်ရှိ ပါတယ်’’ ဟု သမ္မတကဖြည့်စွက် ပြောသည်။

ထို့အပြင် တပ်မတော်သား များအား ပါတီနိုင်ငံရေးနှင့် အုပ် ချုပ်ရေးကိစ္စရပ်များတွင် ပါဝင် စွက်ဖက်ခြင်းမရှိစေရေး ဗိုလ်ချုပ် အောင်ဆန်းပြောကြားခဲ့သည့်မိန့် ခွန်းများကို ဥပမာပေးထည့်သွင်း  ပြောကြားသည်။

‘‘တပ်မတော်၏ ဖခင်ကြီး ဗိုလ်ချုပ်အောင်ဆန်းက တပ်မ တော်နှင့် စပ်လျဉ်း၍လည်း လိုက် နာရန်အခုလို မိန့်ဆိုခဲ့ပါတယ်။  ဗမာ့လွတ်လပ်ရေးတပ်မတော် သည် အုပ်ချုပ်ရေး၊ နိုင်ငံရေးနှင့် ပတ်သက်၍ အလျှင်းစွက်ဖက် ခြင်းပြုလိမ့်မည်မဟုတ်။ ဗမာ့ လွတ်လပ်ရေး တပ်မတော်ဗိုလ် များနှင့် တပ်သားများသည်ပါတီ နိုင်ငံရေး၊ အုပ်ချုပ်ရေးကိစ္စရပ်  များနှင့် ပတ်သက်၍ ပါဝင်စွက် ဖက်ခြင်းအလျှင်းမရှိစေရလို့နိုင်ငံ ရဲ့စည်းလုံးညီညွတ်ရေးကို ရည် ရွယ်ပြီး ရှောင်ရန်၊ ဆောင်ရန်ကို လည်းလမ်းညွှန်ခဲ့ကြောင်း ဗိုလ် ချုပ်အောင်ဆန်းရဲ့ နိုင်ငံရေး ဂန္ထ၀င်စာအုပ်မှာလေ့လာ တွေ့ရှိ ရပါတယ်’’ ဟု နိုင်ငံတော်သမ္မတ ကပြောသည်။

ထို့အပြင် ‘‘ဒီတပ်မတော်ဟာ တစ်ဖွဲ့တစ်ပါတီ လူတစ်စုအ တွက် တည်ထောင်ထားတာမ ဟုတ်ဘူး။ တစ်နိုင်ငံလုံး၊တစ်မျိုးသားလုံးအတွက် ဖြစ်တယ်လို့ မည်သို့သော တပ်မတော်မျိုးဖြစ် သင့်သည်ကို အထူးသတိပြုဆင် ခြင်ဖွယ်ရာမိန့်ကြားခဲ့တာကို ဗိုလ် ချုပ်အောင်ဆန်းရဲ့ ရှားပါးမိန့်ခွန်း မှာဖတ်ရပါတယ်’’ ဟု သမ္မတက ဆက်လက်ပြောကြားသည်။

ဗိုလ်ချုပ်အောင်ဆန်းက တိုင်းရင်းသားများအရေးနှင့် စပ် လျဉ်း၍လည်း တောင်တန်းဒေသ  များအတွက် နယ်မြေတွင်းအုပ် ချုပ်ရေးတွင် ကိုယ်ပိုင်ပြဋ္ဌာန်းခွင့် အပြည့်အ၀ရှိကြောင်းကို ပင်လုံ  စာချုပ်အပိုဒ် (၅) တွင်လက်ခံခဲ့ သည်ဟု သမ္မတကဆိုသည်။

ယခုကဲ့သုိ့ ဗိုလ်ချုပ်ရုပ်တု စိုက်ထူခြင်းသည် သာမန်ကာလျှံ ကာ အသွင်သဏ္ဌာန်မျိုးဆောင် ရွက်နေခြင်းမဟုတ်ဘဲ နိုင်ငံအ ရေးအရာများအတွက် အနှစ်သာ ရရှိရှိ လုပ်ဆောင်နေခြင်းဖြစ် သည်ဟု နိုင်ငံတော်သမ္မတဦးဝင်း မြင့်ကဆိုသည်။

ထို့အပြင် သမ္မတက မျိုး ဆက်သစ်လူငယ်များအနေဖြင့်  ဗိုလ်ချုပ်အောင်ဆန်း၏ ရိုးသား ဖြောင့်မတ်တည်ကြည်မှု၊ တိုင်း ပြည်အတွက် ဖြူစင်သန့်ရှင်းသော  မေတ္တာနှင့် မွန်မြတ်သောလမ်းစဉ် များကို အတုယူရန်လည်း တိုက် တွန်းပြောကြားသည်။

ဆက်လက်၍ တိုင်းပြည်နှင့် လူမျိုးအတွက် ကိုယ်ကျိုးမဖက်၊ ရာထူးမမက်ဘဲ လွတ်လပ်ရေးအ တွက် အသက်ပေးအနစ်နာခံသွား ခဲ့သော ဗိုလ်ချုပ်ကို နမူနာယူကာ တိုင်းကျိုးပြည်ကျိုးသယ်ပိုးရန် လည်း နိုင်ငံတော်သမ္မတကဥပမာ ပေးသွားသည်။

ဗိုလ်ချုပ်မြင်းစီးကြေးရုပ်တု ဖွင့်ပွဲအခမ်းအနားသို့ နိုင်ငံတော်  သမ္မတဦးဝင်းမြင့်အပါအ၀င် ဒုတိ ယသမ္မတ (၁)၊ ဒုတိယသမ္မတ (၂) နှင့် လွှတ်တော်ဥက္ကဋ္ဌများ၊ ပြည်ထောင်စုဝန်ကြီးများနှင့် အ ခြားတာဝန်ရှိသူများတက်ရောက် ခဲ့သည်။ ထို့အပြင် နေပြည်တော် ကောင်စီနယ်မြေအတွင်းရှိ မြို့ နယ်အသီးသီး ဒေသခံပြည်သူ များ၊ ကျောင်းသား၊ ကျောင်း သူများ၊ တိုင်းရင်းသားကိုယ်စား လှယ်များ၊ လွှတ်တော်ကိုယ်စား လှယ်များအပါအ၀င် စုစုပေါင်း ၈,၀၀၀ ခန့်တက်ရောက်ခဲ့သည်။

နေပြည်တော်စည်ပင်ဘဏ် မှာလည်း ဗိုလ်ချုပ်ကြေးရုပ်ဖွင့်ပွဲ အထိမ်းအမှတ်အဖြစ် ဗိုလ်ချုပ်ပုံ ပါ ကျပ် ၁,၀၀၀ တန်များကို  တစ် ဦးလျှင် ငါးရွက်နှုန်းလဲလှယ်ပေး ခဲ့သည့်အပြင် ဗိုလ်ချုပ်မိန့်ခွန်း ပေါင်းချုပ် စာအုပ်များလည်း ရောင်းချပေးခဲ့သည်။

၁၈ ပေမြင့်သော ရုပ်တုအ တွက် ကြေးပိဿာချိန် ခုနစ်တန် ခန့် အသုံးပြုကာ စုစုပေါင်းကျပ် သိန်း သုံးထောင်ကျော် ကုန်ကျခဲ့ သည်။ အဆိုပါ ဗိုလ်ချုပ်မြင်းစီး ကြေးရုပ်တုသည် လက်ရှိတွင် တစ်နိုင်ငံလုံး၌ အကြီးဆုံးဖြစ်ပြီး ဗိုလ်ချုပ်အောင်ဆန်း၏ မွေးနေ့ တွင် ဖွင့်လှစ်ခဲ့ခြင်းဖြစ်သည်။