ပြည်ထောင်စုရာထူးဝန်အဖွဲ့မှ အရာရှိများကို လမ်းဘေးကျောင်းသာသာတက္ကသိုလ်တွင် တက်စေပြီး မာစတာဘွဲ့ချီးမြှင့်ခြင်းသည် ရှက်စရာကောင်းသည်ဟု ဝေဖန်

သင်တန်းစရိတ် ၇၀ ရာခိုင်နှုန်း လျှော့ပေးသဖြင့် ထိုတက္ကသိုလ်များကို ရွေးချယ်မိဟု ရာထူးဝန်အဖွဲ့ဆို

 ပြည်ထောင်စု ရာထူးဝန်အဖွဲ့မှ အရာရှိများကို ပြည်သူ့ရေးရာ စီမံခန့်ခွဲမှု မဟာ သင်တန်း (MPA) များပေးရာ တွင် လမ်းဘေးကျောင်းသာသာ  ရှိသည့် တက္ကသိုလ်တွင် တက်စေ ပြီး မာစတာဘွဲ့များချီးမြှင့်ခြင်း သည် ရှက်စရာအလွန်ကောင်း သည့် ကိစ္စဖြစ်ကြောင်း လွှတ် တော်ကိုယ်စားလှယ်များက ဝေ ဖန်ပြောကြားသည်။

ဖေဖော်ဝါရီ ၁၃ ရက်က ကျင်းပသည့် ပြည်ထောင်စုလွှတ် တော်အစည်းအဝေးတွင် ပြည် ထောင်စုစာရင်းစစ်ချုပ်ရုံး၏ ၂၀၁၈ ဧပြီမှ စက်တင်ဘာအထိ ခြောက်လအတွက် စစ်ဆေးတွေ့ ရှိချက် အစီရင်ခံစာအပေါ် ပြည် သူ့ငွေစာရင်း ပူးပေါင်းကော်မတီ ၏ လေ့လာတွေ့ရှိချက်အစီရင်ခံ စာနှင့် စပ်လျဉ်းပြီး ဆွေးနွေးရာ၌ လွှတ်တော်ကိုယ်စားလှယ်များက ဝေဖန်ပြောကြားခြင်းဖြစ်သည်။

ပြည်ထောင်စုရာထူးဝန်အ ဖွဲ့သည် အမေရိကန်နိုင်ငံရှိ Akamai University နှင့် မလေး  ရှားနိုင်ငံရှိ EDS Business School အမည်ရှိကျောင်းများသို့ ပြည်သူ့ရေးရာစီမံခန့်ခွဲမှု မဟာ သင်တန်း (MPA) များတက် ရောက်စေရန် ပြည်သူ့ဘဏ္ဍာငွေ ကျပ်သန်းပေါင်း ၁၉၀ ကျော် သုံး စွဲခဲ့သည်ဟု စာရင်းစစ်ချုပ်ရုံးအ စီရင်ခံစာတွင် ပါရှိသည်။

Google Map တွင်အဆိုပါ  တက္ကသိုလ်ကျောင်းနှစ်ကျောင်း ကိုရှာဖွေရာ ဆိုင်တန်းလျားအ  လယ်တွင်လွတ်နေသည့် အခန်း ၌ ဖွင့်ထားသော Akamai University နှင့် မလေးရှားနိုင်ငံ ပီနန် မြို့ရှိ လူနေရပ်ကွက်မှအခန်းတစ် ခန်း၌ ဖွင့်ထားသော EDS Business School အမည်ရှိကျောင်း များကိုသာ တွေ့မြင်ရကြောင်း မွန်ပြည်နယ် မဲဆန္ဒနယ်အမှတ် (၈) အမျိုးသားလွှတ်တော်ကိုယ် စားလှယ် ဦးမျိုးဝင်းကလွှတ်တော် အစည်းအဝေး၌ ဆွေးနွေးပြော ကြားသည်။

‘‘ကျောင်းပုံစံက နေပြည် တော်မှာရှိတဲ့ ရွှေကြာပင်ရပ်ကွက် ထဲက မူကြိုအဆင့်သာသာဖြစ်နေ သလို နာမည်အရကျော်စောမှုမရှိ တဲ့အပြင် သက်ဆိုင်ရာအစိုးရက လည်း အသိအမှတ်ပြုခြင်းမပေး ထားတဲ့အပေါ် ရာထူးဝန်အဖွဲ့ရဲ့ ၀န်ထမ်းတွေအပေါ် ထားတဲ့စေ တနာက  လေးစားချင်စရာပါပဲ’’ ဟု အမျိုးသားလွှတ်တော်ကိုယ် စားလှယ် ဦးမျိုးဝင်းကပြောသည်။

ဝန်ထမ်းများသင်ကြားစေ ရန် သက်ဆိုင်ရာနိုင်ငံများ၏ တရားဝင် အသိအမှတ်မပြုထား သည့် တက္ကသိုလ်နှစ်ခုသို့ ပေးရ သည့် ကျပ်သန်း ၁၉၀ ကျော်ကို သင်တန်းကျောင်းရွေးချယ်ခြင်း အတွက် တင်ဒါခေါ်ယူခြင်း၊ အ ခြားသင်တန်းကျောင်းများရွေး ချယ်ခြင်းမပြုလုပ်ခြင်းကြောင့် အ ကြောင်းပြချက်ပေးရာ၌ သင် တန်းစရိတ် ၇၀ ရာခိုင်နှုန်းလျှော့ ပေးခြင်းကြောင့် အဆိုပါတက္က သိုလ်နှစ်ခုကို ရွေးချယ်ခဲ့မိ ကြောင်း စာရင်းစစ်ချုပ်အစီရင်ခံ စာတွင် ဖော်ပြထားသည်။ ထို့ နောက်ပြည်ထောင်စု ရာထူးဝန် အဖွဲ့က နောင်တွင် ဥပဒေကို လိုက်နာပြီး စည်းမျဉ်းစည်းကမ်း နှင့် အညီဆောင်ရွက်မည်ဖြစ် ကြောင်း အစီရင်ခံစာ၌ ဖော်ပြ  ထားသည်။

၂၀၁၉ နောက်ပိုင်းတွင် အ ဆိုပါကျောင်းများကို  သက်ဆိုင် ရာနိုင်ငံများက အသိအမှတ်ပြု သည့် ကျောင်းများမဟုတ်ဘဲစီး ပွားရှာရုံသက်သက် ကျောင်းများ သာဖြစ်ကြောင်း အထောက်အ ထားများရှိသည်ကို တွေ့မြင်ရ ကြောင်းလွှတ်တော်ကိုယ်စား လှယ်များကပြောသည်။

‘‘နိုင်ငံတော်ရဲ့ ဗဟိုအဆင့် ဖြစ်တဲ့ အဖွဲ့အစည်းက လမ်းဘေး ကျောင်းတွေနဲ့ချိတ်ပြီး ကိုယ့်ဌာန  က ၀န်ထမ်းတွေကို သင်တန်းပေး၊ မာစတာဘွဲ့ချီးမြှင့်တဲ့ ကိစ္စမှာ ကမ္ဘာ့အလယ်မှာအတော်ရှက်စ ရာကောင်းတဲ့ကိစ္စဖြစ်ပါတယ်’’ ဟု ဦးမျိုးဝင်းကပြောသည်။

နေပြည်တော်နှင့် ရန်ကုန် မြို့တို့တွင် ရာထူးဝန်အဖွဲ့မှ အ ရာရှိကြီးများတက်ရောက်ခဲ့သော ပြည်သူ့ ရေးရာစီမံခန့်ခွဲမှု မဟာ သင်တန်း (MPA) များကို အသိ အမှတ်ပြုမခံထားရသည့် တက္က သိုလ်နှစ်ခုမှ ဆရာများက ၂၀၁၇ အောက်တိုဘာမှ ၂၀၁၉ မတ်လ အထိ လာရောက်သင်ကြားခဲ့ သည်ဟု ရန်ကုန်တိုင်းဒေသကြီး  မဲဆန္ဒနယ်အမှတ် (၁၂) မှ အမျိုး သားလွှတ်တော်ကိုယ်စားလှယ် ဦးကျော်နိုင်ကပြောသည်။

‘‘သူ့လိပ်ပြာသူမလုံတဲ့ EDS ကတော့ သူ့ရဲ့ဖေ့စ်ဘွတ်ခ်ပေ့ခ်ျ တောင် ပြန်ဖြုတ်သွားပါတယ်။  နိုင်ငံကတော့ သန်း ၂၀၀ နီးပါး  ရေစုန်မျောသွားပြီးဖြစ်ပါတယ်။  နောက်ဒါမျိုးမလုပ်တော့ပါဘူးဆို ပြီး ၀န်ချတောင်းပန်ရုံနဲ့ ပိုက်ဆံ ပြန်မရသလို ဂုဏ်သိက္ခာလည်း ပြန်ရလာမှာ မဟုတ်ပါဘူး။ ဒီ ကိစ္စနဲ့ပတ်သက်ပြီး တာဝန်ယူမှု၊  တာဝန်ခံမှုတွေကို ကျွန်တော်အ ပါအ၀င် ပြည်သူများက စောင့် ကြပ်နေမှာဖြစ်ပါတယ်’’ ဟု ဦးမျိုး ၀င်းကပြောသည်။

ပြည်ထောင်စု စာရင်းစစ် ချုပ်အစီရင်ခံစာနှင့် ပတ်သက်ပြီး ကိုယ်စားလှယ် ၃၂ ဦးအမည်စာ ရင်းပေးသွင်းထားပြီး ဖေဖော်ဝါရီ  ၁၃ ရက်တွင် ကျင်းပသည့် ပြည်  ထောင်စုလွှတ်တော်အစည်းအ ဝေး၌ ၂၂ ဦးသာ ဆွေးနွေးမည် ဖြစ်ကြောင်း လွှတ်တော်နာယက ဦးတီခွန်မြတ်ကပြောသည်။