လူဦးရေငါးထောင်ကျော်ရှိသည့် မြိုင်ကြီးငူစစ်ရှောင်စခန်း ပိတ်သိမ်းနိုင်ရေးစတင်ဆောင်ရွက်

စစ်ရှောင်များ၏ သဘောထားအတိုင်း နေရပ်ပြန်ရေး၊ နေရာသစ်၌ နေထိုင်နိုင်ရေး ဆောင်ရွက်ပေးမည်

တပ်မတော်နှင့်ကရင် လက်နက်ကိုင်အဖွဲ့ (DKBA) ခွဲ ထွက်တို့အကြား ဖြစ်ပွားသည့် တိုက်ပွဲများကြောင့် လွန်ခဲ့သည့်  သုံးနှစ်ကျော်ကတည်းက ဖွင့်လှစ် ထားသည့် မြိုင်ကြီးငူစစ်ရှောင် စခန်း ပိတ်သိမ်းနိုင်ရေးအတွက် စတင်ဆောင်ရွက်နေကြောင်း စ ခန်းတာဝန်ခံနှင့်  ကရင်ပြည်နယ် အစိုးရအဖွဲ့ တာဝန်ရှိသူတို့က ပြောသည်။

မြိုင်ကြီးငူဆရာတော်၊ ကရင် ပြည်နယ်ဝန်ကြီးချုပ်နှင့် စခန်း တာဝန်ရှိသူများသည် ဖေဖော်ဝါရီ ၈ရက်က မြိုင်ကြီးငူဘုန်းကြီး ကျောင်း၌တွေ့ဆုံပြီး စစ်ရှောင် များ ပြန်လည်နေရာချထားရေး  ကိစ္စကို စတင်ဆွေးနွေးခဲ့ကြောင်း စခန်းတာဝန်ခံ ဦးထွန်းကပြော သည်။

စစ်ရှောင်များက နေရပ်ပြန်  လည် နေထိုင်ချင်သော်လည်း နယ်မြေမအေးချမ်း၍ စစ်ရှောင် စခန်းနှင့် နှစ်မိုင်အကွာရှိ နေရာ တွင် မြေကွက်များဖော်ထုတ်ပြီး နေအိမ်များ ဆောက်လုပ်ပေးရန်  ဆွေးနွေးခဲ့ကြောင်း ဦးထွန်းက ပြောသည်။ လက်ရှိတွင်စစ်ရှောင် စခန်း၌ အိမ်ခြေ ၈၇၀ မှ လူဦးရေ  ငါးထောင်ကျော်ရှိသည်ဟု  ၎င်း ကဆိုသည်။

ကရင်ပြည်နယ် လူမှုရေးဝန် ကြီး ဦးစောဘိုဘိုကလည်း ‘‘လက် ရှိမှာတော့ အဲဒီမှာရှိနေဆဲလူတွေ အနေနဲ့ ဒီအနီးအနားတစ်ဝိုက်မှာ  နေချင်တယ်ဆိုတဲ့ အသံမျိုးကြား ရတယ်။ ဒါပေမဲ့ လူဦးရေဘယ် လောက်က ဘယ်နေရာမှာ ဘယ် လိုနေချင်သလဲဆိုတာ အတိအ ကျ စာရင်းမရသေးဘူး’’ဟု ပြော သည်။

ယခု မြိုင်ကြီးငူစခန်းပိတ် သိမ်းရေး အစီအစဉ်သည် ပြည် ထောင်စုအစိုးရက ဆောင်ရွက် နေသည့် နေရပ်စွန့်ခွာသူများ ပြန် လည်နေရာချထားရေးနှင့် ယာယီ ခိုလှုံရာစခန်းများ ပိတ်သိမ်းရေး ဆိုင်ရာ  အမျိုးသားအဆင့်မဟာ ဗျူဟာ စီမံချက်၏ အစိတ်အပိုင်း  တစ်ခုဖြစ်ကြောင်း ၎င်းကဆို သည်။

စခန်းပိတ်သိမ်းရေးဟု ဆို သော်လည်း စစ်ရှောင်များ၏အ မြင်သဘာထားဆန္ဒအပေါ် မူ တည် ဆောင်ရွက်ခြင်းဖြစ်ကြောင်း ဦးစောဘိုဘိုကပြောသည်။   ပိတ် သိမ်းမည့်ရက်သတ်မှတ် ဆောင် ရွက်ခြင်းမျိုးမဟုတ်ဘဲ ဒေသခံ များ၏ သဘောထားဆန္ဒအပေါ် အစိုးရကပံ့ပိုးပေးသည့် ပုံစံဖြင့်  တစ်ဆင့်ချင်း ပိတ်သိမ်းနိုင်ရေး ဆောင်ရွက်မည့် အစီအစဉ်ဖြစ် ကြောင်း ၎င်းကဆိုသည်။

‘‘နေရပ် ပြန်ချင်တဲ့သူတွေ အတွက်လည်း ပြည့်စုံလုံလောက် တဲ့ အချိန်ဖန်တီးပေးမယ်။ နေရာ သစ်မှာ ပြောင်းရွှေ့နေထိုင်ချင်တဲ့ လူတွေဆိုရင်လည်း ပြည့်စုံလုံ လောက်တဲ့ အခြေအနေမျိုးကို ဖန်တီးပေးမယ်’’ဟု ဦးစောဘိုဘို က ပြောသည်။

ထိုသို့ ဖန်တီးပေးပြီးအားလုံး ပြောင်းရွှေ့စရာမလိုဘဲ ကနဦး ပြောင်းသူများ၏ အခြေအနေကို  ကျန်နေသူများက လေ့လာနိုင် မည်ဖြစ်ကြောင်း ၎င်းကဆိုသည်။

‘‘အဓိကကတော့ လက်ရှိအ ခြေအနေထက် ပိုကောင်းတဲ့အ ခြေအနေတစ်ခုကို ဖန်တီးပေးမှာ ပဲ။ အဲဒီနေရာမှာသူတို့ သဘောမ ကျလို့ ပြန်လာနေရင်လည်းရ တယ်’’ဟု ဦးစောဘိုဘိုကပြော ကြားသည်။

မြန်မာနိုင်ငံတွင် လက်နက် ကိုင်ပဋိပက္ခများ၊ လူမှုပဋိပက္ခ များကြောင့် ကချင်၊ ကရင်၊ ရခိုင်နှင့် ရှမ်းပြည်နယ်များတွင် IDP စခန်းအရေအတွက် ၁၂၈  ခုရှိပြီး ပြည်တွင်းနေရပ်စွန့်ခွာသူ ၁၆၀,၀၀၀ ကျော်ရှိကြောင်းအစိုးရ က သတင်းထုတ်ပြန်ထားသည်။ လက်ရှိတွင် ကချင်ပြည်နယ်အ တွင်း ရှိစစ်ရှောင်များ နေရပ်ပြန် ရေးအတွက် အစိုးရ၊လက်နက် ကိုင်အဖွဲ့၊ ဘာသာရေးအသင်းအ ဖွဲ့များနှင့် ကူညီရေးအဖွဲ့များအ ကြား ဆွေးနွေးညှိနှိုင်းပူးပေါင်း ဆောင်ရွက်မှုများရှိသည်။

ရခိုင်ပြည်နယ်အတွင်း၌ တိုက်ပွဲများ ဆက်တိုက်ဖြစ်ပွားနေ ခြင်းကြောင့် စစ်ဘေးရှောင်အရေ အတွက်တိုးပွားလျက်ရှိသည်။

More in Local News Section