ဆရာစံပလာဇာ မြေနှင့်အဆောက်အအုံငှားရမ်းမှု ကာလပေါက်ဈေးထက်များစွာလျော့နည်းနေကြောင်း စာရင်းစစ်ချုပ်အစီရင်ခံစာတွင် ဖော်ပြ

တစ်နှစ်လျှင် အမေရိကန်ဒေါ်လာ လေးသန်းခန့် ပေးဆောင်ရမည်ဖြစ်သော်လည်း တစ်သိန်းနှစ်သောင်းသာ ပေးဆောင်နေ

ယခင်အစိုးရ လက်ထက်က ရန်ကုန်မြို့ရှိ ဆရာ စံပလာဇာမြေနှင့် အဆောက်အ အုံကို ဈေးနှုန်းလျော့နည်းစွာဖြင့် ငှားရမ်းခဲ့ခြင်းမှာ နိုင်ငံအတွက် များစွာနစ်နာနေသောကြောင့် ငှားရမ်းစာချုပ်ကို ပြန်လည်ဆန်း စစ်၍ ပြင်ဆင်ချုပ်ဆိုရန် ဗဟန်း မြို့နယ် ပြည်သူ့လွှတ်တော်ကိုယ် စားလှယ် ဦးထွန်းမြင့် က တိုက် တွန်းသည်။

ဖေဖော်ဝါရီ ၁၃ ရက်က ကျင်းပသည့် ပြည်ထောင်စုလွှတ် တော်အစည်းအဝေးတွင် ပြည် ထောင်စုစာရင်းစစ်ချုပ်ရုံး၏ ၂၀၁၈ ဧပြီမှ စက်တင်ဘာအထိ ခြောက်လအတွက် စစ်ဆေးတွေ့ ရှိချက်အစီရင်ခံစာအပေါ် ပြည် သူ့ငွေစာရင်းပူးပေါင်းကော်မတီ ၏ လေ့လာတွေ့ရှိချက်အစီရင်ခံ စာနှင့် စပ်လျဉ်းပြီး ဆွေးနွေးရာ တွင် ဦးထွန်းမြင့်က တောင်းဆို ခြင်းဖြစ်သည်။

‘‘ရွေးကောက်ခံပြည်သူ့အစိုး ရတက်မလာခင် အလျင်အမြန် ငှားရမ်းမှုကိစ္စဖြစ်တယ်ဆိုတာ တွေ့ရှိပါတယ်’’ဟု ဦးထွန်းမြင့်က ပြောသည်။ ဆရာစံပလာဇာမြေနှင့် အဆောက်အအုံကို ၂၀၁၆ မတ်လ ၄ ရက်မှ ၂၀၆၆ မတ်လ၃ ရက် အထိ နှစ်ပေါင်း ၅၀ ငှားရမ်းလုပ်ပိုင်ခွင့်ပြုခဲ့သည်။ ထို့အပြင် ထပ်မံသက်တမ်းတိုးမြှင့်ငှားရမ်းလိုပါက တစ်ကြိမ်လျှင် ၁၀နှစ်ဖြင့် နှစ်ကြိမ်ငှားရမ်းနိုင်ကြောင်း ဖော် ပြထားသည်။

ဆရာစံပလာဇာ မြေနှင့် အ ဆောက်အအုံကို ယခင်သမဝါ ယမ၀န်ကြီးဌာနက သမဝါယမ အသင်းစုချုပ်သို့ ငှားရမ်းခဲ့ခြင်း ဖြစ်သည်။ ယင်းငှားရမ်းမှုကို ပြည်ထောင်စုရှေ့နေချုပ်ရုံးက သုံးသပ်စိစစ်ရာတွင် ငှားရမ်းခ သည် ဒေါ်လာနှင့်ဖြစ်နေသော ကြောင့် ငွေကြေးဈေးနှုန်းအပေါ် စဉ်းစားစရာများရှိသဖြင့် စာချုပ် ကို နှစ်စဉ် ပြုပြင်ပြောင်းလဲပေး ရမည်ဖြစ်ကြောင်း ၂၀၁၆ က အကြောင်းကြားခဲ့သော်လည်း သမဝါယမ၀န်ကြီးဌာနက ပြင် ဆင်ခဲ့ခြင်းမရှိဘဲ စာချုပ်ချုပ်ဆို ငှားရမ်းခဲ့သည်ဟု ဦးထွန်းမြင့်က လွှတ်တော်အစည်းအဝေးတွင် ပြောသည်။

မွန်ပြည်နယ် မဲဆန္ဒနယ် အမှတ်(၈) အမျိုးသားလွှတ်တော် ကိုယ်စားလှယ် ဦးမျိုးဝင်းက ‘‘သမ၀န်ကြီးကလည်း အစိုးရအ ပြောင်းအလဲဖြစ်ခါနီးမှ သမအ သင်းချုပ်ကို ငှားပေးခဲ့တာက လည်း အထူးအဆန်းဖြစ်နေပါ တယ်။ ဒါကို ဌာနအနေနဲ့ သေချာ ရှင်းပြစေလိုပါတယ်။ ၀န်ကြီးဌာန မရှိတော့ဘဲ ခေတ်နဲ့မလျော်ညီတဲ့ သမဥပဒေကို ပြင်ရမှာဖြစ်ပါ တယ်’’ဟု လွှတ်တော်အစည်းအ ဝေးတွင်ပြောသည်။

အဆိုပါ ပလာဇာအဆောက် အအုံသည် စတုရန်းမီတာ ၈,၀၀၀ ခန့်ရှိပြီး ယင်းမြေငှားရမ်း ခ၏ လက်ရှိပေါက်ဈေးအရ တစ် နှစ်လျှင် လက်ရှိငှားရမ်းသူများ အနေဖြင့် ကန်ဒေါ်လာ ၃ ဒသမ ၈ သန်း ပေးဆောင်ရမည်ဖြစ်သော် လည်း စာချုပ်ပါအချက်အလက် များအရ တစ်နှစ်လျှင် ဒေါ်လာ ၁၂၀,၀၀၀ သာ ပေးသွင်းနေ ကြောင်း ကိုယ်စားလှယ်က ထောက်ပြပြောဆိုသည်။

‘‘နိုင်ငံတော်အနေနဲ့ များစွာ နစ်နာဆုံးရှုံးလျက်ရှိပါတယ်။ ဒီ ကိစ္စဖြစ်နေတာ အတော်ကြာပါ ပြီ။ အခုလည်း စာရင်းစစ်ချုပ်အစီ ရင်ခံစာမှာ ပါလာပြန်ပါပြီ။ ကျွန် တော့်မဲဆန္ဒနယ်က လူတွေကို ဘယ်လိုမျက်နှာပြရမလဲတောင် မသိဖြစ်နေပါတယ်’’ဟု ဦးထွန်းမြင့်က ပြောသည်။

ဖေဖော်ဝါရီ ၁၃ ရက်တွင် ကျင်းပသည့် ပြည်ထောင်စုလွှတ် တော်အစည်းအဝေးတွင် ပြည် ထောင်စုစာရင်းစစ်ချုပ် အစီရင် ခံစာနှင့်ပတ်သက်ပြီး ဆွေးနွေးရန် ကိုယ်စားလှယ် ၃၂ ဦး အမည် စာရင်းပေးသွင်းထားကာ ၂၂ ဦး သာ ဆွေးနွေးခဲ့ပြီး ကျန်ရှိသည့် လွှတ်တော်ကိုယ်စားလှယ်များ ဆွေးနွေးမှုကို ဖေဖော်ဝါရီ ၁၇ ရက် တွင် ဆက်လက်ဆောင်ရွက် မည်ဖြစ်ကြောင်း လွှတ်တော်နာ ယက ဦးတီခွန်မြတ်ကပြောသည်။